أسطى هي الثقة

1. الشغل بيتسلّم على مزاجك

   لو الشغل طلع مش زي المتفق عليه أو مش عاجبك، أسطى بتلزم المنفّذ يرجع يعدّله لحد ما تستلمه وإنت راضي — وفي المشروعات مفيش مرحلة بتتقفل غير بموافقتك.

   إزاي تستخدمه؟ الشغل مش زي المتفق؟ اشتكي من صفحة الطلب، وفي المشروع ارفض تسليم المرحلة بسببك — فريق أسطى بيتابع لحد ما المنفّذ يعدّل.

2. أحسن جودة بأقل سعر

   فريق أسطى بيتفاوض مع الصنايعية والشركات على أقل سعر، والسعر قدامك قبل ما تأكّد. ولو حد غالى عليك، اشتكي وإحنا بنرجّعلك جزء من فلوسك.

   إزاي تستخدمه؟ من صفحة الطلب: «اتغالى عليك؟ اشتكي». بنراجع الشكوى، ولو ليك حق التعويض بيرجع محفظتك في أسطى.

3. كل جنيه بيعدّي من التطبيق

   أي مبلغ أو زيادة في السعر لازم تشوفها في التطبيق وتوافق عليها. ماتدفعش أي فلوس برّه التطبيق — ولو حد طلب منك، بلّغنا على طول عشان نقدر نحميلك حقك.

   إزاي تستخدمه؟ المبلغ اللي بتدفعه هو اللي في التطبيق بالظبط — أونلاين أو كاش. أي زيادة لازم توصلك كعرض توافق عليه. حد طلب منك فلوس برّه؟ «بلّغنا» من صفحة الطلب.

4. شركات وصنايعية محترفين

   أسطى بتتفق مع شركات وفنيين محترفين ومراجَعين وبتجيب لهم الشغل عشان ينفّذوه بأعلى جودة — وإحنا المسؤولين قدامك.

   إزاي تستخدمه؟ قبل ما تأكّد بتشوف مين المنفّذ وتقييمه — فني أو شركة أو مهندس — وأسطى هي المسؤولة قدامك عن الشغل.

5. فريق جودة بيراجع الشغل

   فريق الجودة في أسطى بيراجع الشغل وكل شكوى بتتراجع بجد. بنشجّعك تقول رأيك وتشتكي من أي حاجة — صوتك هو اللي بيخلّي الخدمة أحسن.

   إزاي تستخدمه؟ بعد كل شغلانة قيّم المنفّذ، واشتكي من أي حاجة مهما كانت صغيرة. كل شكوى ليها رقم ومتابعة لحد ما تتقفل.

6. ضمان بعد التسليم

   لو ظهر عيب في الشغل في فترة الضمان، المنفّذ بيرجع يصلّحه من غير تكلفة — اطلب إعادة الزيارة من صفحة الطلب.

   إزاي تستخدمه؟ من صفحة الطلب المكتمل: «اطلب إعادة زيارة» طول ما الضمان ساري — من غير رسوم إضافية عليك.

التفاصيل القانونية للضمان والإلغاء والاسترداد في شروط الاستخدام.